Catene

[er patata]

Inviato da demizone
ma non ho capito cosa vuole dire da Falk? cosa ha da fastidio con le catene? cosa sono le catene? sono le catene montuose? alpi e alpini? parla di spam sull'email? cosa c'entra con compagni? fammi sapere al presto possibile.

catene di Sant'Antonio

[Phoenix]

Gavì da piantarla de mandarme cadene del porco... e simili, tipo che el mondo l'è belo ma solo se rispedisso tuto subito, se no son sfigà, come el negro de l'Alabama che no la' risposto a quatromilasinquesento imeil e no la'fato in tempo a dir "a" che l'era sa col vestito de legno (tradotto: morto e stramorto), o el cauboi John, tessano, che ghe cascà i maroni parché nol ga risposto, etc etc.

Par no parlar de quei che me manda imeil disendome che sicome ghe un provaider (fatalità american) che par ogni imeil che ghe riva el dà un centesimo in beneficensa ala lota contro la peste scaveona, e alora bisogna mandarghene a seci... mà rotto i cojoni!

O staltro che el gà na fiola con na malatia rarisima che nissuni sa cosa lè (sto qua el sta in missuri), che el te dà anca el numero de telefonin parché te ghe telefoni ti (credeghe!) a darghe notissie su le cure possibili (che po' se te guardi le date te scopriressi che e passà almanco tri ani da che lè partia la cadena quindi tanti auguri...). A mi te me ven a dimandar robe mediche, che stao in frassion de isola dea scala e son gnaca bon de tacarme un ceroto?!!!

Po'quei che me dise che ghe el virus dela posta eletronica che se non te ste atento telo ciapi anca ti e l'è peso che anar co na nigeriana (e saven tuti a cosa se va incontro...), alora te ghe da riempir tuti de imeil etc etc...

Quei po'... che me manda la fotocopia del centro antitumori de Aviano dove i sensiati te dise che i ovi condii i fa vegner el cancro a l'useo... e che farse un sciampo l'è peso de fumarse tri steche de "eme esse sensa filtro". Ancora quei contro i giaponesi, che secondo lori i metaria i gati nele butiglie, co l'urlo de bataglia "impenemoghe el sito!"...

Par non desmentegarme de ci me manda scrito che ghe quei dela Erisson che i da via i telefonini come i fusse bagiigi e adiritura che lori i l'à proà e funsiona (!?!): basta "inviar el mesagio a tuti quei che te conossi" e te si a posto: tempo do stimane e riva el sior Erisson, Mario J.J. Erisson in persona, aministratore delegato dela dita omonima o anonima, non me ricordo coma se dise, il cuale sa tute le meil che te mandi, e te porta sul porton de casa el scartosso col telefonin ultima generasion col Trial Band el giprrs e custodia de pitone ancora che se moe...

A sto punto feme un piaser: mandime foto porno, film porno, barzelete e putanade varie ma BASTA CO STE CADENE! Che n'altro po'e verzo na feramenta e taco a vendarle.

Con la speranza che sta meil no la riva in luisiana a una che l'e' drio farse i cassi sui...